Беше само прашање на време кога на пазарот ќе се појави електричен автомобил со прифатлива цена.
Европските марки не можеа да одат под 25.000 евра, а потоа пристигна и електричното Twingo. Но, и тоа не беше ништо драстично додека патиштата не ја видоа малата Daciа Spring. Концептуално доаѓа од Индија, исто како и оваа електрична новина.
Неговото име е Тиаго.ев, а потписот е на Тата. Во Индија започнува со цена од 8,49 лах, што е нешто помалку од 10,500 евра. Станува збор за модел со мала батерија од 19,2 kWh, но која нуди 255 km според стандардот MIDC.
Се нудат неколку нивоа на опрема, како и опција со поголема батерија од 24 kWh со која досегот се зголемува на 315 km. Опциите за полнење на AC полначот се 3,3 kW или 7,2 kW во подобро опремените модели. На брзиот полнач, корисникот може да смета на 110 километри досег за 30 минути полнење.
Да го спомнеме и погонот. Електричниот мотор произведува 75 КС и 114 Nm, што значи дека е сосема солиден за низ град. Достигнува 60 km/h за 5,7 секунди. И сега најдоброто, Индијците даваат гаранција од 8 години или 160.000 км на погонот и батеријата.
Звучи одлично, па не се сомневаме дека таков автомобил добро би се снашол и на нашиот пазар.
