Студентите на Факултетот за правни и политички науки при Американскиот Универзитет на Европа – ФОН, во рамките на редовните наставни активности, реализираа посета на Централниот регистер на Република Северна Македонија, како дел од клиничката настава по предметот „Право на друштва“, при што имаа можност да се запознаат со постапката, спецификите и природата на упис на трговските друштва во трговскиот регистер на РСМ.
Покрај посетата на Централниот регистер, во просториите на АУЕ – ФОН универзитетот се одржа и работилница на која се реализираше симултано оснивање на Друштво со ограничена одговорност (ДОО) и Акционерско друштво (АД), на којашто учествуваа студентите од втора година на правни студии, како дел практичната настава по предметот „Право на друштва“ под менторство на проф. д-р Сејдефа Џафче, декан на Факултетот за правни и политички науки.
