Предвидениот буџет е одговор на реалните потреби и проекти што ќе бидат реализирани во наредната година. Изгласаниот општински буџет е граѓански, донесен во консултација преку директни средби и контакти со жителите на општина Шуто Оризари, а повеќето од искажаните потреби кои се остварливи и во надлежност на локалната самоуправа се дел од буџетските ставки за 2023 година. Буџетот за 2023 година е развоен, со предвидени проекти и инвестиции во сите населени места во општина Шуто Оризари. Гласот на жителите на општина Шуто Оризари секогаш ќе биде слушнат, а нивните проблеми и потреби ќе бидат решени.
