Крим е историски дел на Русија кој на Украина ѝ бил понуден од страна на поранешниот советски лидер Никита Хрушчов, изјави во интервју Лу Шаје, кинескиот амбасадор во Париз и ги шокираше Французите, а реагираа и Естонците, Литванците, Летонците…
– Конкретно, Украина беше меѓународно призната во нејзините граници, вклучувајќи го и Крим, во 1991 година. Таа беше призната од целата меѓународна заедница, вклучително и Кина – реагираше на оваа изјава портпаролот на француското Министерство за надворешни работи.
Портпаролот на француското МНР додаде дека официјален Пекинг ќе мора да разјасни дали овие коментари ја одразуваат позицијата на државата Кина.
Антон Герашченко, советник во украинското МВР коментираше дека кинескиот министер ја повторува руската пропаганда.Меѓу другото, кинескиот амбасадор Лу Шае во интервјуто ги спомна и земјите кои се отцепија од поранешниот СССР.
– Овие земји од поранешниот СССР немаат вистински статус во меѓународното право, бидејќи не постои меѓународен договор за материјализирање на нивниот суверен статус – изјави тој.
Chinese Ambassador to France Lu Shae on that Russia is not only Crimea, but the rest of the ex-USSR: [I would like you to clarify your position, because it seems to be a bit ambivalent sometimes. Firstly, do you think that Crimea is Ukraine?] It depends on the perception of this… pic.twitter.com/wwvdCZN02V
— Victor vicktop55 (@vicktop55) April 23, 2023
