Вишото јавно обвинителство во Краљево донесе наредба за спроведување истражна постапка против тројцата косовски полицајци, поради сомнение дека сториле кривично дело недозволено изработување, држење, носење и тргување со оружје и распрскувачки материи, а судијата за претходна постапка наредил осомничените да бидат приведени.
„По повод настаните од 14.06.2023 година, во село Гњилица, општина Рашка, Вишото јавно обвинителство Краљево на 16.06.2023 година донесе наредба за спроведување истражна постапка против осомничените Б.С.(1965) , Р.З.(1975) и М.Ш.(1961) поради постоење основи на сомнение дека сториле кривично дело Неовластено изработување, држење, носење и тргување со оружје и распрскувачки материи од чл.348 ст.4. врска со 2, во врска со став 1 од Кривичниот законик., се наведува во соопштението на обвинителството.
