Изворите на „Москва тајмс“ известуваат дека украинските сили биле истуркани до предградијата, што е значителен напредок во битката за градот којашто беснее уште од април 2024 година.
Украинскиот град Часив Јар, клучното упориште во источна Украина, падна во рацете на инвазивните руски сили, потврдија пет неименувани украински и европски воени и владини извори за независниот руски медиум „Москва тајмс“, независно еден од друг. Засега ниту украинската ниту руската војска не го потврдија руското заземање на стратешки важниот град. Изворите на „Москва тајмс“ известуваат дека украинските сили биле истуркани до предградијата, што е значителен напредок во битката за градот којашто беснее уште од април 2024 година.
This is how Chasiv Yar looks now in the occupied Donetsk region
Before the Russian army came to the town, there were almost 13,000 people living there. pic.twitter.com/rJXU6PkYAe
— NEXTA (@nexta_tv) January 29, 2025
Часив Јар, стратешки важен ридски град во регионот на Доњецк, е под немилосрден руски напад речиси една година. И покрај тоа што беа добро зајакнати, украинските сили се соочуваа со зголемени предизвици во задржувањето на своите позиции бидејќи хроничниот недостиг на работна сила и намалената западна воена помош го направија својот данок. До крајот на 2024 година, руските сили постигнаа борбена супериорност во областа на градот, систематски затегнувајќи го обрачот и воспоставувајќи сè посилна контрола над градот. Украински воен извор го потврди падот на градот, велејќи: „Да, така е“. Друг извор, коментирајќи ги зголемените руски напади на западните приоди кон градот вели:
– Сите патишта за снабдување во и надвор од градот се силно бомбардирани.
