Судија на претходна постапка вечерва го прифати предлогот на Обвинителството и му определи мерка притвор од 30 дена на 20-годишниот осомничен за вчерашната трагична несреќа на булеварот „Партизански Одреди“ во Скопје, во која животот го загуби 22-годишната Фросина Кулакова од Неготино. Обвинителството претходно соопшти дека осомничениот претходно бил обвинето за трговија со дрога, за што бил во притвор, но судија од Основниот кривичен суд во Скопје ја укинал мерката и го упатил во воспитно-поправниот дом во Тетово, третирајќи го како постар полнолетник. Несреќата се слуќи синоќа пред полноќ, кога осомничениот, возејќи со огромна брзина, пијан и без возачка дозвола, поминал на црвено светло и ја прегазил девојката, која според правилата го поминувала булеварот на пешачки премин, соопшти ОЈО Скопје.
