Ако некој е одговорен за состојбите во македонските здравство тоа е единствено СДС и Венко Филипче како поранешен министер за здравство. Имаа период на располагање од седум години власт за да направат нешто за подобрување на состојбите и условите во здравството. СДС и Венко Филипче можеа, но не направија ништо за да овозможат соодветни услови како ни за пациенти, така ни за здравствените работници. Седум години власт ги потрошија само на местење тендери за омилените нивни фирми, од кои потоа, најверојатно, земаа и одредени проценти. Филипче не треба да заборави дека во негово министерување со здравството, луѓе се лекуваа собирајќи донации од добронамерните македонски граѓани.
Немаше ден а на социјалните мрежи да не се сподели некој апел за помош за собирање на финансиски средства за лекување на некој болен кого го заборавил здравствениот систем под раководство на Филипче. Кога зборува за здравството, Филипче не треба да заборави дека како министер за здравство нему му изгоре модуларна болница во Тетово во која живи изгореа 14 лица. Филипче, исто така, е министер кому му крахираше системот со сообраќајката на Дурмо Турс во која животот го загубиле 16 лица, а тоа се случи најмногу поради лошата поставеност на здравството со кое раководеше самиот тој. Ако поставеше тријажен центар на местото на несреќета кој ќе одредуваше кој повреден во која болница да се носи, можеби ќе се спасеше уште некој од настраданите.
Филипче е министер за здравство во чие време Македонија ја позиционираше високо на европските и светски листи по смртност од корона вирусот. Според официјалните податоци во државата од корона вирусот починале скоро 10 илјади македонски граѓани. Кога станува збор за платите, СДС и Филипче ги покачија платите само на нивните колеги во клиничкиот центар, додека сите други вработени во целокупниот здравствен систем беа оставени сами на себе. Со доаѓањето на ВМРО-ДПМНЕ на власт, состојбите се сменија. По долги години се прошири позитивната листа на лекови, со синдикатите во здравството се постигна договор и се потпиша нов колективен договор со кој се покачија платите на сите вработени во здравството и истите ќе продолжат да растат во текот на целиот мандат. Се инвестира во човечкиот капитал и во опрема, и се подобруваат условите за работа и за лечење на пациентите. Мандатот на Владеење на СДС и Венко Филипче беше обележан со бројни скандали и провизии од местени тендери, како и од набавките за вакцини против корона вирусот.
