Хамас денеска ослободи тројца израелски заложници – Александар Труфанов, Јаир Хорн и Сагуи Декел-Чен – и им ги предаде на работниците на Црвениот крст во Кан Јунис во јужниот дел на Појасот Газа.
Заложниците прво излегоа од возилото на Хамас, а предавањето беше официјално потврдено со потпишување на документи на сцената меѓу претставниците на Хамас и Црвениот крст. По завршувањето на формалностите, заложниците биле префрлени во возила на Црвениот крст, кои ги однеле кон израелската армија. Армијата ќе ги земе на друга локација во Газа, а потоа ќе ги врати во Израел, каде ќе им биде извршен медицински преглед. Пред да се предадат, заложниците излегоа на сцената во Кан Јунис, каде што им беа врачени микрофони. Тие и се обратија на толпата што се собра за да биде сведок на нивното ослободување. На плоштадот на заложниците во Израел владееше ентузијазам додека насобраните граѓани беа сведоци на моментот на ослободување. Додека го следеа директниот пренос на предавањето, многумина држаа фотографии од ослободените, изразувајќи олеснување и радост поради нивното враќање.
