ЌЕ ПАТУВАМЕ ОД СКОПЈЕ ДО СОЛУН ЗА 2 ЧАСА СО ВОЗ Многу возови не биле во функција затоа што немале тркала

– Погрешни кадри, немотивирани за работа, инспирирани од некои други дејствија, а не од општо добри дејствија. Такви директори, таков министер имале коишто железницата не им била во видокруг. Тотално заборавена и демотивирана и затоа ние после години и години немавме и меѓународна линија – истакна Ивановски. Тој додаде дека добар дел од возовите не биле во функција затоа што немале тркала. – Толку звучи смешно, толку звучи несериозно, потенцираше Ивановски и дополни дека ова се случувало затоа што немало кој да направи јавна набавка за купување тркала. Тој најави дека целта и визиите на Владата за железничкиот сообраќај е да се поврземе со Солун и Белград, односно поврзување на коридорите 8 и 10д. – Да бидеме поврзани со регионот, за неполни 8 години да имаме брз воз, патнички од 200 километри на час, а товарен со 120. За јавноста патничкиот е поинтересен. Да ве седнеме во Скопје во воз и за неполни 2 часа да бидете во Солун, да бидеме за 2 часа и нешто во Белград, притоа доста е поекономичен транспортот, доста побезбеден и многу поеколошки – заклучи Ивановски.