Студенти од цела Србија, кои пеш, трчајќи и со велосипеди доаѓаат на утрешниот протест на „Студентски едикт“ во Ниш, вечерва ќе пристигнат во тој град, каде во 20 часот нивните колеги ќе им приредат свечен пречек пред Народниот театар во Ниш. На повеќе места во Србија денеска се одржаа собири и почит за 15-те жртви на Железничката станица во Нови Сад.
View this post on Instagram
Петтата белградска гимназија утрово беше отклучена, откако Директорката на Петтата белградска гимназија вчера им забрани влез во училиштето на „учениците и наставниците кои не биле повикани од директорот да учествуваат во работното тело на училиштето“, што вчера предизвика протести на учениците, родителите и наставниците пред училишната зграда. Учениците утрово влегоа во гимназијата, продолжувајќи го бојкотот на наставата, но внатре во училиштето. Во протесната прошетката кон Ниш, покрај студенти, учествуваат и граѓани, кои одат на свој трошок, а некои колони од безбедносни причини се придружувани од сообраќајна полиција.
Поддршка за студентите на протестот најавија и Српското здружение на пензионери со театарските актери од тој град, Здружението за здравство и социјална заштита „Независност“, неформалната ИТ заедница во блокадата и други. Студентите и граѓаните кои утре ќе одржат голем митинг во Ниш остануваат на своите барања: Објавување на целосна документација за реконструкција на железничката станица во Нови Сад, и oтфрлање на обвиненијата против студенти и млади уапсени и приведени на протестите поради уривањето на настрешница на железничката станица во Нови Сад Тие бараат од српските власти да поднесат кривична пријава против напаѓачи на студенти и професори и нивно гонење, да се
зголемат средствата од српскиот буџет за материјални трошоци на државните високообразовни институции за 20 отсто.
