Поранешниот француски претседател Франсоа Оланд изјави денеска дека Франција повеќе не може да ја смета администрацијата на американскиот претседател Доналд Трамп за сојузник. „И мораме да донесеме заклучок: Aко американскиот народ остане наш пријател, администрацијата на Трамп повеќе не е наш сојузник. Овој раскол се мери со три главни факти кои се случија за само една недела: Напуштањето на Украина, нападната земја што ја поддржуваме, но за која Трамп рече дека е предводена од „диктатор“, неговата подготвеност да се вклучи во директен дијалог со рускиот претседател Владимир Путин, кого го сметаме за егзистенцијална закана, и конечно, фактот дека САД им се приклучија на Русија и Северна Кореја против резолуцијата во ОН, рече Ле.
На прашањето дали посетата на францускиот претседател Емануел Макрон на Вашингтон ќе означи „пресвртница“ во позицијата на САД за Украина, Оланд рече дека вториот мандат на Трамп има многу малку заедничко со првиот мандат на американскиот лидер. Тој оцени дека овој мандат на американскиот претседател претставува „длабок прекин“ во меѓународните односи, особено со Европската унија, што се илустрира со напуштањето на Украина и републиканската офанзива, „колку економска, толку и идеолошка, на Стариот континент“. „Амбицијата на американскиот претседател е да отвори нова страница во актуелната геополитика, каде што се бројат само три сили: САД, Русија и Кина, оставајќи ја Европа зад себе. „Соочени со можното американско напуштање на НАТО и руската закана, Франција, Велика Британија и Германија мора да бидат во првите редови на „вистинската европска безбедност“, рече Оланд.
Според него, Европа дефинитивно мора да воведе одмазднички мерки доколку САД ги зголемат царините за Европската унија за 25 отсто. „Доналд Трамп го интересираат само парите. Тоа се гледа и во однос на Украина. „Тој упорно и дрско бара Украина повеќе да не се брани и бара од неа ретки метали“, додаде Оланд. Францускиот претседател Емануел Макрон ја повика Европа да се откаже од „вазалството“ во односите со САД и да стане пообединета. Тој нагласи дека европските земји треба повторно да го откријат својот „вкус за ризик, амбиција и сила“ како одговор на непредвидливоста на актуелната администрација во Вашингтон.
