Обединетото Кралство и Украина договорија заем во вредност од 2,26 милијарди фунти за зајакнување на одбранбените капацитети на Украина, потврди украинскиот министер за финансии Серхи Марченко.
Украинскиот претседател Володимир Зеленски, британскиот премиер Кир Стармер и канцеларката на државната каса Рејчел Ривс вечерва одржаа видео конференција со Марченко, на која го финализираа договорот. Марченко најави дека средствата се „обезбедени со замрзнати руски средства“. Тој, исто така, изрази благодарност до Велика Британија што „го смета агресорот одговорен за војната“.
