Српскиот министер за внатрешни работи Ивица Дачиќ изјави дека вечерва во 20 часот и 47 минути е добиена дојава дека во Парламентот на Србија е поставена бомба, додавајќи дека веднаш се испратени екипи за да извршат целосна проверка на објектот“. Но, српската опозиинерка, потпретседателлата на Партијата за слобода и правда (СПП), Мариника Тепиќ, вели дека тоа била лага и дека заканата за бомба била искористена за да се упадне во нивните канцеларии во Парламентот.
„Предмалку беше објавено дека е „поставена бомба во српската Скупштина, екипи се на терен“. На терен во превод значи – ова го смислија за вечерва да ни упаднат во сите канцеларии и да ги изораат! И можат да ја подметнат без наше присуство“, напиша Тепиќ на „Икс“.
Таа рече и дека власта „е провидна како целофан, и тоа најевтин“.
Providni su kao celofan. I to najjeftiniji!
Malopre “dojavljeno da je u Skupštini Srbije postavljena bomba, ekipe na terenu”.
NA TERENU u prevodu znači ovo su smislili da bi nam noćas upali u sve naše kancelarije i preorali ih!
A bez našeg prisustva…— Marinika Tepić (@MarinikaTepic) March 4, 2025
Денеска беше бурен ден во Српскиот парламент – пратениците од опозицијата фрлаа чадни бомби во Собранието, протестирајќи против владините политики и изразувајќи поддршка за студентите кои протестираат со месеци, во директен пренос на државната телевизија. Пратениците од опозицијата развија и транспарент на кој пишуваше „Србија се крева за да го урне режимот“ и држеа српско знаме. Претставниците на владејачкото мнозинство ѝ одговорија на опозицијата со извици „усташи“ и веење српски знамиња.
