Владејачката „Нова Демократија“ во Грција, го исклучи пратеникот Димитрис Киријаздис од својата парламентарна група, откако тој ја навреди Зое Константополу, лидерката на партијата „Курс за слободата“, објави „Екатимерини“.
Додека Константополу зборуваше во парламентот од говорницата, Киријаздис извикал кон неа „оди раѓај!“. Неговиот коментар беше широко осуден. Етичкиот комитет на партијата, кој се состана во петокот едногласно реши да го исклучи Киријаздис од парламентарната група поради неговото анти-парламентарно и анти-колегијално однесување, а ова било на предлог на партискиот лидер и премиер Киријакос Мицотакис.
