Мерц нагласи дека Германија треба да разговара со двете европски нуклеарни сили – Франција и Велика Британија – но секогаш во насока на дополнување на американскиот нуклеарен штит, кој, според него, мора да се одржи. Идниот германски канцелар Фридрих Мерц изјави дека сака да започне разговори со Франција и Велика Британија за заедничко користење на нивното нуклеарно вооружување, но не како замена за американскиот нуклеарен штит за Европа, објави Ројтерс.„Споделувањето на нуклеарно оружје е прашање за кое мора да разговараме… мора да станеме посилни заедно во нуклеарното одвраќање“, изјави Мерц во интервју за Deutschlandfunk радио, еден ден по постигнувањето на клучниот договор за коалиција меѓу неговата конзервативна ЦДУ/ЦСУ и Социјалдемократската партија на Германија (СПД).
Тој нагласи дека Германија треба да разговара со двете европски нуклеарни сили – Франција и Велика Британија – но секогаш во насока на дополнување на американскиот нуклеарен штит, кој, според него, мора да се одржи. Иако Германија, поради своето минато од Втората светска војна, е обврзана на ненуклеарна одбрана преку меѓународни договори, таа и натаму учествува во аранжманите на НАТО за споделување на нуклеарно оружје. На самитот во Брисел во четвртокот, лидерите на ЕУ ја поддржаа иницијативата за зголемено трошење на одбраната, со оглед на стравувањата дека Русија, охрабрена од војната во Украина, би можела да нападне некоја од земјите на ЕУ. Дополнително, во Европа расте загриженоста дека не може целосно да се потпре на САД за заштита. Извор: Новинска агенција МЕТА
