Американскиот претседател Доналд Трамп се повеќе застанува на страната на Русија, поништувајќи ја децениската надворешна политика на САД. Тој застана на страната на рускиот претседател Владимир Путин за прашањето за мировен договор за ставање крај на војната во Украина, притискајќи го украинскиот претседател Володимир Зеленски да прифати неповолни услови од Русија, која ја нападна неговата територија. Тој им порача на европските сојузници да не очекуваат САД да продолжат да ја поддржуваат нивната одбрана. Сето ова испраќа сигнали за поддршка за Путин и го поставува прашањето дали САД започнуваат нова голема дипломатска стратегија. Дали постои поширок план за обид да се одвлече Русија од сојузништвото со Кина? Или однесувањето на Трамп е полесно да се објасни со неговите лични чувства и блискост со Путин?
Дали администрацијата на Трамп застана на страната на Русија? Првите знаци за голема промена на наклонетоста кон Русија се појавија на 12 февруари, кога Трамп имаше 90-минутен телефонски разговор со Путин. Трамп потоа изврши притисок врз Зеленски да се согласи на мировен договор, барајќи од него да ѝ отстапи територија на Русија, но не нудејќи му американски безбедносни гаранции. Тој за неговиот телефонски разговор со Путин рече: „Се договоривме да соработуваме, многу тесно, што вклучува и меѓусебни посети“. Трамп, исто така, рече дека Украина нема да може да стане членка на НАТО по војната, како што вети неговиот претходник Џозеф Бајден, а на што Русија силно се противеше Трамп неодамна го нарече Зеленски „неспособен“ и „диктатор“. За време на нивната средба во Белата куќа, тој рече дека „Украина никогаш не требаше да ја започне војната“, коментари кои се многу слични на оние на Путин. Трамп одби да обезбеди американска поддршка за силите од европските земји доколку тие преземат мировна улога во Украина по завршувањето на конфликтот. Русија категорично ја отфрли идејата за западни трупи во Украина. САД , исто така, застана на страната на Русија во гласањето во Обединетите нации за одбележување на третата годишнина од почетокот на војната во Украина, одбивајќи да ја осуди Русија за агресија на Украина.
Дали Америка и се додворува на Русија за да ја одвлече од Кина? Овој чекор поблиску до Русија и подалеку од европските сојузници ја нарушува 80-годишната американска надворешна политика, иако сè уште не е јасно дали претставува нова стратегија за надворешна политика. Американскиот државен секретар Марко Рубио на 25 февруари изјави за конзервативната веб-страница Брајтбарт дека претседателот Доналд Трамп и неговата администрација сакаат да ги ослабат врските меѓу Русија и Кина. „Мислам дека ситуацијата во која Русија е во позиција на вечен помлад партнер на Кина, дека мора да направи се што ќе ѝ каже Кина затоа што зависи од неа, мислам дека тоа не е добар исход за Русија, не е добар исход за САД , ниту за Европа, ниту за светот“, рече тој. Тоа би било опасно за САД, рече тој, „бидејќи зборуваме за две нуклеарни сили кои се соочуваат со Соединетите држави“. Рубио, исто така, рече дека Америка сака да се спротивстави на глобалната трговска мрежа што Кина ја гради, наречена иницијатива „Појас и пат“. Кина остро реагираше на коментарите на Рубио. „Обидот на САД да забие клин меѓу Кина и Русија е осуден на неуспех. „Кина и Русија имаат долгогодишни развојни стратегии и надворешна политика“, изјави портпаролот на Министерството за надворешни работи Лин Џианг. Стратегијата што ја предлага Рубио, за одвлекување на Русија од Кина со цел да ја ослабне, може да се гледа како огледало на дипломатскиот триумф на претседателот Ричард Никсон кога тој ја оддели Кина од СССР. Во случајот на Никсон, тој однос беше формиран со Кина, изолирајќи ја Русија. Во случајот на Трамп, неговиот однос со Русија може да ја изолира Кина. Коментаторите го нарекоа „обратен Никсон“ или „обратен план на Кисинџер“. Предводен од неговиот советник за национална безбедност Хенри Кисинџер, Никсон потпиша договор со Кина во 1972 година, со што стави крај на децениите во кои таа и СССР, двете комунистички држави во тоа време, беа обединети во непријателство кон Соединетите држави.„Белата куќа и нејзините супер-воинствени кинески експоненти се чини дека веруваат дека можат да соработуваат со Русија за да ја изолираат Кина од светот и да и наштетат на нејзиното растечко глобално присуство“, вели Советот за надворешни односи, американски тинк-тенк. „САД не сакаат Русија да стане колонија на суровини за Кина“, сметаат добрите познавачи на приликите, додавјаќи дека ова значи дека тие го продаваат сопственото богатство многу евтино на Кина, што и дава предност на Кина пред САД“.
Дали „обратна стратегија на Кисинџер“ би функционирала ? САД би можела да се бори да ги раздвои Русија и Кина. Двете земји прогласија пријателство „без граници“ неколку дена пред инвазијата во Украина во 2022 година, а трговските врски меѓу нив оттогаш одат во нагорна линија. Кина е убедливо најголемиот увозник на руска сурова нафта, купувајќи 62 милијарди долари во 2024 година. Три години претходно извезуваше само две третини од тоа количество. Откако Русија ја нападна Украина, западните земји воведоа санкции за нејзината нафта, дозволувајќи и на Кина да купи повеќе од неа. Кина, исто така, беше непроценлива како извозник на високотехнолошки компоненти во Русија, меѓу кои и компјутерски чипови, како што се полупроводници од кои многу се користат во индустријата за оружје. Извештаите на американските тинк тенкови, Американскиот институт за претпријатија и Карнеги фондацијата за меѓународен мир, велат дека огромното мнозинство на чипови што Русија ги увезува доаѓаат од Кина. Многумина светски експерти сметат дека„Русија и Кина се природни сојузници, кога станува збор за ресурсите“, додека Русија и САД не се. Тие се конкуренти кога станува збор за договорите за нафта и гас, се наведува во анализите.
Дали Трамп застанува на страната на Русија од лични причини? Дел од светската експертска јавност ги посочуваат мотивите на Трамп за фаворизирање на Русија и Путин, не произлегуваат од дипломатската стратегија, туку од нешто „крајно лично“, и дека датираат од неговиот прв мандат. Русија беше обвинета за мешање во претходната изборна кампања, а Трамп и неговиот тим беа обвинети за соучесништво во неа. За време на неговиот неодамнешен состанок со Зеленски во Белата куќа, Трамп за Путин рече: „Го познавам долго време. Моравме заедно да ја поминеме таа руска лажна приказна“. „Трамп се гледа себеси и Путин во иста позиција, како жртви на лов на вештерки“, велат тие. Познато е дека меѓу Трамп и Русија има добро воспоставени врски“, кои датираат од времето на изборот за Мис на светот што се одржаа во Русија и руската готовинска инфузија во нејзините проекти за недвижнини што го одржуваа во живот“. „Тој секогаш имал позитивни искуства со Русија, се наведува во анализите.
