Рускиот министер за надворешни работи Сергеј Лавров изјави дека Москва е отворена за разговори со САД и Кина за нуклеарното оружје, коментирајќи ја желбата на Вашингтон да одржи состанок на трите земји.
Лавров истакна дека Русија го поддржува дијалогот заснован на меѓусебно почитување и еднаквост, без однапред одредени решенија. Според него, позицијата на Русија за нуклеарното оружје мора да биде во согласност со интересите на сите страни. Лавров потсети дека американскиот претседател Доналд Трамп покажал интерес за продолжување на разговорите за нуклеарното оружје и дека Путин ја смета оваа област особено важна поради претстојниот истек на Договорот за намалување на стратешкото оружје (Нов СТАРТ). Тој зборуваше и за иранскиот нуклеарен договор, нагласувајќи дека Русија го поддржува обновувањето на првичниот план од 2015 година, во кој беа вклучени сите клучни играчи, вклучувајќи ги САД, Кина, Русија, Велика Британија, Франција, Германија и Иран, пренесува Танјуг.
