Втора вечер по ред илјадници турски граѓани ѝ пркосеа на забраната за собири и протестираа пред градското собрание на Истанбул поради апсењето и истражниот притвор на градоначалникот на градот, Екрем Имамоглу, најсилниот политички противник на турскиот претседател Реџеп Таип Ердоган. Синоќа протестни собири во кои учествуваа илјадници граѓани се одржаа во Истанбул, Анкара и други турски градови. Вкупно, од средата, денот на апсењето, протести се одржаа во 29 од 81 провинција во Турција. Во вторникот властите воведоа четиридневна забрана за собири, но тоа не ги спречи граѓаните во огромен број да се соберат во четвртокот пред градското собрание и полициската станица, како и на универзитетите и плоштадите низ Турција. Инциденти од помал обем се случија доцна попладнето пред градското собрание на Истанбул, каде што се собраа студенти и граѓани од секој агол на градот, при што полицијата прибегна кон фрлање солзавец и употреба на гумени куршуми.
İstanbul itfaiyesi, Bozdoğan Kemeri direnişine katıldı
🔸️Barikat açılacak, gençlik Taksim'e yürüyecek pic.twitter.com/oL0OBXBAp1
— sendika.org (@sendika_org) March 20, 2025
İstanbul itfaiyesi, Bozdoğan Kemeri direnişine katıldı
🔸️Barikat açılacak, gençlik Taksim’e yürüyecek pic.twitter.com/oL0OBXBAp1
— sendika.org (@sendika_org) March 20, 2025
Следните неколку дена се клучни за судбината на Имамоглу, бидејќи завчера тој доби четиридневен притвор додека не биде обвинет.
„Против мене е покрената истрага за отворање градинка. Би сакал да дадам изјава но моментално сум приведен, инаку со сите сили би ги бранел градинките што ги изградивме за децата од овој град. Ќе продолжиме да го правиме криминалот со отворање градинки. На нашата нација ѝ ги доверувам и градинките на нашите деца, кои се нашата иднина“, утрово напиша Имамоглу на Икс.
Kreş açtığım için hakkımda soruşturma açılmış. İfade vermek isterdim ama şu an gözaltındayım, yoksa seve seve bu şehrin çocukları için yaptığımız kreşleri tüm gücümle savunurdum. Kreş açma suçunu işlemeye devam edeceğiz. Geleceğimiz olan evlatlarımızın kreşlerini de milletimize…
— Ekrem İmamoğlu (@ekrem_imamoglu) March 21, 2025
Kreş açtığım için hakkımda soruşturma açılmış. İfade vermek isterdim ama şu an gözaltındayım, yoksa seve seve bu şehrin çocukları için yaptığımız kreşleri tüm gücümle savunurdum. Kreş açma suçunu işlemeye devam edeceğiz. Geleceğimiz olan evlatlarımızın kreşlerini de milletimize…
— Ekrem İmamoğlu (@ekrem_imamoglu) March 21, 2025
АФП објави дека полицијата сакала да спречи група млади демонстранти кои се обидувале да се упатат кон плоштадот Таксим, кој е целосно блокиран со метални огради. Од автобусот во кој се качил, претседателот на ЦХП, Озгур Езел, кој го упати повикот за митинг, ѝ рекол на полицијата: „Не сакам да видам гумени куршуми овде. Ако не, полицијата во Истанбул ќе биде одговорна за што и да се случи“, предупреди тој.
„Кој си ти да прскаш солзавец врз надежта на Турција?“ продолжи тој, придружуван од гласовите на насобраната толпа која итно бара оставка од претседателот Реџеп Таип Ердоган.
Во мобилизацијата учествуваа млади луѓе од различни политички струи, со приврзаници на кемалистичката ЦХП, членови на левичарски организации и делегација на Курди. Се проценува дека над 10.000 граѓани биле надвор од градското собрание.
19.33 | Polis Taksim’e yürümek isteyen gençlere müdahale ediyor. pic.twitter.com/DmEmioyh9B
— Hazar Dost (@hazardost) March 20, 2025
19.33 | Polis Taksim’e yürümek isteyen gençlere müdahale ediyor. pic.twitter.com/DmEmioyh9B
— Hazar Dost (@hazardost) March 20, 2025
Плоштадот Таксим и соседниот парк Гези, места каде вообичаено се одржуваат протестни настани во Истанбул, остануваат блокирани од полициските сили со барикади.
Polis, Taksim’e yürümek isteyen gençlere sert müdahale gerçekleştiriyor!pic.twitter.com/bSBeMzOMNY
— Solcu Gazete (@solcugazeteY) March 20, 2025
Polis, Taksim’e yürümek isteyen gençlere sert müdahale gerçekleştiriyor!pic.twitter.com/bSBeMzOMNY
— Solcu Gazete (@solcugazeteY) March 20, 2025
Слична беше сцената и вчера. Снимката од Ројтерс покажа дека полицијата користи бибер спреј за да ја растера толпата пред Универзитетот во Истанбул.
„Ердоган, диктаторе!, Имамоглу, не си сам!“ беа паролите кои доминираа на демонстрациите во средата непосредно по притворот за Имамомоглу, кои се одржаа и покрај студот. Заедно со сликите на Имамоглу, демонстрантите држеа и слики од Кемал Ататурк, како и турски знамиња.
-Вкупно педесет и четири корисници на интернет се уапсени од средата поради објави на социјалните мрежи кои турските власти ги оценија како провокативни, соопшти денеска турското Министерство за внатрешни работи. Владата на Ердоган веќе се погрижи да ја отежне ситуацијата и на Интернет. Компанијата Нетблокс вчера тврдеше дека Турција во голема мера го ограничила пристапот до социјалните мрежи како што се Икс, Јутјуб, Инстаграм и Тикток.
Ердоган: Реакциите се театрални
Во своите изјави во четвртокот, први по апсењето на градоначалникот, претседателот Таип Ердоган истакна дека опозициската ЦХП се обидува да ги прикрие сопствените грешки и да ги измами граѓаните со „театралност“. „Немаме време да губиме на залудни дискусии, ниту купишта пари за непромислено фрлање“, рече тој во говорот во Анкара, во кој додаде дека проблемите на партијата „не се прашања на земјата, туку проблеми на неколку опортунисти. Немаме време да губиме на театралноста на опозицијата“, рече тој.
Имамоглу порача: „Не молчете“
„Не можете и не треба да молчите“, напиша затворениот градоначалник на Истанбул, Екрем Имамоглу, на својот профил на Икс во четвртокот во објава во која се чини дека го обвинува Таип Ердоган за корупција и ги повикува членовите на владејачката партија и турското правосудство да се спротивстават на неправдата.
You embarked on this journey with nothing but a ring on your finger, yet now you bear countless stains for which you cannot account, whether at home or abroad. With these burdens, you aim for my whole existence, hard work, and endeavour that I and my family have built over three…
— Ekrem İmamoğlu (International) (@imamoglu_int) March 20, 2025
„Овие настани ги надминаа нашите партии и нашите политички идеали. Процесот сега се однесува на нашата земја, главно на вашите семејства. Дојде денот да зборувате“, напиша Екрем Имамоглу.
You embarked on this journey with nothing but a ring on your finger, yet now you bear countless stains for which you cannot account, whether at home or abroad. With these burdens, you aim for my whole existence, hard work, and endeavour that I and my family have built over three…
— Ekrem İmamoğlu (International) (@imamoglu_int) March 20, 2025
Екрем Имамоглу беше уапсен под обвинение за поткуп и помагање на терористичка група. Турската полиција уапси вкупно 100 лица, вклучувајќи го и градоначалникот – вклучувајќи ги и имињата на други политичари, новинари и бизнисмени.
📢 Gözaltındaki Ekrem İmamoğlu'ndan ilk görüntühttps://t.co/SINAXIWjlb pic.twitter.com/QIpyjgbstK
— T24 (@t24comtr) March 19, 2025
📢 Gözaltındaki Ekrem İmamoğlu’ndan ilk görüntühttps://t.co/SINAXIWjlb pic.twitter.com/QIpyjgbstK
— T24 (@t24comtr) March 19, 2025
Во исто време, како што соопшти главниот обвинител на Истанбул, конфискувана е и градежната компанија во косопственост на Имамоглу. Контролата на компанијата беше префрлена на Мировниот кривичен суд, врз основа на извештаите од истрагата за финансиски криминал. Во меѓувреме, турската лира падна на рекордно ниско ниво во однос на доларот пред да се затвори за 3,3%, бидејќи се зголеми загриженоста за посветеноста на Ердоган на владеење на правото и економските реформи предводени од министерот за финансии Мехмет Шимшек, додека реперниот индекс Бист 100 затвори речиси 9%.
Според Capital Economics, апсењето на Имамоглу предизвикува загриженост за „пошироката реформска агенда“, коментирајќи дека „политичките, а не економските грижи може да почнат да доминираат во размислувањата на претседателот Ердоган“. Потегот против градоначалникот, како што коментира Ројтерс, е кулминација на повеќемесечната правна репресија на опозицијата за да се наштети на нејзините изгледи пред претседателските избори во 2028 година – освен ако не дојде до паника и Таип Ердоган не поднесе иницијатива и порано од предвиденото. Во интервју, претседателот на Републиканската народна партија (ЦХП) Озгур Езел, на која ѝ припаѓа Имамоглу, вели дека Ердоган се плаши од соочување со градоначалникот на изборите и затоа „сакал да го извади од игра“. Вчера, во својот говор пред градското собрание, Езел зборуваше за „обид за државен удар против следниот претседател“.
