Претседателката на Европската комисија – Урсула фон дер Лајен, брзо реагираше на одлуката на претседателот на САД, Доналд Трамп, да воведе царина од 25 отсто за увоз на автомобили. Тарифите, за кои Трамп најави дека ќе стапат на сила на 3 април, се тежок удар за европската автомобилска индустрија и претставуваат најголема ескалација досега во мултилатералната трговска војна на Трамп, која се очекува да има сериозни последици за глобалната економија.
„Длабоко жалам за одлуката на САД да воведат царини за европскиот извоз на автомобили“, рече синоќа Фон дер Лајен. Таа рече дека Европа ќе ги анализира царините и најави дека во наредните денови се очекуваат дополнителни мерки од Белата куќа. Трамп постојано се откажува од воведувањето царини за американските сојузници и противници откако ја презеде функцијата на 20 јануари, пишува Politico.
„Потпишуваме денес“, рече Трамп за протекционистичките царини. „Тие стапуваат на сила на 2 април. Почнуваме со наплата на 3 април“ посочи тој. Иако изјавата на Фон дер Лајен беше умерена, таа јасно стави до знаење дека ЕУ е подготвена за контрамерки. „ЕУ ќе продолжи да бара решенија преку преговори, притоа штитејќи ги своите економски интереси“, рече таа. Доколку се применат тарифите, нивното влијание ќе се почувствува низ целиот свет.
