Познатиот актер Жан-Клод ван Дам се соочува со сериозни обвиненија во Романија, каде што против него е поднесена кривична пријава. Според романската Дирекција за истражување на организиран криминал и тероризам, актерот наводно имал сексуални односи со жени кои биле жртви на трговија со луѓе, пренесуваат романските медиуми. Според обвинението, инцидентот се случил во Кан, каде што Ван Дам, наводно, примил пет Романки како „подарок“ од криминална група, со претходно знаење дека тие потекнуваат од мрежа за трговија со луѓе.
Адвокатот Адријан Кукулес, кој застапува една од жртвите, изјави дека жените биле „во состојба на ранливост, со сомнеж дека биле експлоатирани во согласност со законите за борба против трговијата со луѓе“. Една од жените, која го сведочела инцидентот што се случил на настан организиран од Ван Дам, дала исказ пред обвинителството, што довело до отворање на официјална истрага. Неколку Романци, кои во моментов се под истрага за организиран криминал и проституција, му ги понудиле на Жан-Клод Ван Дам овие жени, фотомодели од Романија, за сексуални односи. Лицето што ги примило овие ‘бенефиции’ било свесно за нивната ситуација“, изјави адвокатот Кукулес. Според романските власти, овој случај е дел од поширока истрага за трговија со луѓе и малолетници, која започнала во 2020 година.
