Италијанската полиција денеска пронашла тело на 22-годишна студентка во куфер во ендек во близина на Рим, каде што ја фрлил нејзиното поранешно момче откако ја убил, што претставува втор регистриран фемицид во Италија во рок од два дена. Марк Антони Самсон, 23-годишен државјанин на Филипините и Италија, е осомничен дека ја избодел до смрт поранешната девојка Иларија Сула во нејзиниот дом, каде во моментот на убиството престојувале и нејзините родители.
По убиството, Самсон го ставил телото на жртвата во куфер и возел до ендек, каде го фрлил, а ножот и телефонот на Иларија Сула во контејнер, пренесува Анса. Самсон се изјасни за виновен. Карабинерите вчера во Месина уапсија маж осомничен дека ја убил Сара Кампанело, исто така 22-годишна студентка, во текот на денот на улица, пред бројни сведоци. Во средината на февруари за два дена во Италија беа извршени три фемициди, а сите три беа поврзани со насилство од партнер и семејно насилство.
Италијанската влада последователно усвои нацрт-закон кој за прв пат воведува правна дефиниција за фемицид во кривичното право на земјата, казниво со доживотен затвор. Според податоците на италијанското МВР, минатата година во таа земја биле регистрирани 113 фемициди, од кои 99 ги извршиле роднини, партнери или поранешни партнери, пренесува Танјуг.
