Истражувањата сугерираат дека постојаното поврзување со онлајн светот има своја цена, бидејќи психолошкото функционирање се подобрува кога таа врска ќе се намали. Едно канадско истражување покажа дека човекот може да го подмлади својот мозок за 10 години ако го исклучи интернетот на својот паметен телефон две недели. Во студијата спроведена на 400 испитаници, студенти и работоспособни возрасни луѓе, истражувачите побарале од учесниците да преземат апликација која им го блокирала пристапот до интернет на нивните паметни телефони. Можеле да телефонираат и да испраќаат пораки.
Учесниците пополнувале анкети пред и по студијата за да ја измерат функцијата на мозокот и менталната благосостојба. Резултатите покажале дека вниманието на субјектите, способноста да се фокусираат на една тема, се зголемила толку многу што станала еквивалентна на вниманието на некој што е 10 години помлад. Деведесет проценти од луѓето исто така пријавиле подобрувања во менталното здравје, што се подобрило позначајно отколку кога земале антидепресиви повеќе од две недели. Самите учесници рекле дека доживеале подобрувања во нивната лична благосостојба и чувство на задоволство од животот.
„И покрај многуте придобивки што ги нуди интернетот, намалувањето на постојаното поврзување со дигиталниот свет може да има значителни позитивни ефекти“, пишуваат авторите на студијата. „Нашите резултати даваат докази дека блокирањето на интернетот на паметните телефони за две недели може да предизвика значителни подобрувања во менталното здравје и способноста да се задржи вниманието“, пренесува Дејли мејл.
