Ние јавно, јасно и гласно по однос на секој сомнеж за селективна правда, за пропусти за кои едноставно се премижува, ќе укажуваме во целиот овој период, нема правда ако има селективна правда, истакна пратеникот на СДСМ Митко Трајчулески во емисијата 24 Анализа, на телевизија 24.
Тој нагласи дека она што беше презентирано од истражните органи е дека ова е прва фаза од истрагата.
-Очекуваме дека кога ќе се заврши комплетната истрага да ја лоцира одговорноста кај сите. Не може да има одговорност само за поранешни функционери, не може една цела година да ја премижиме како да не постоела, не може да не побараме одговорност по однос на актуелни функционери кои биле задолжени за јавен ред и мир, кои носеле високи функции во МВР, во пазарен инспекторат во моментот на случување на несреќата и непосредно пред тоа, иако знаеме дека директна одговрорности и надлежности има МВР, кои се однесуваат на директниот причинител на тој пожар, кој однесе 59 животи. Тие факти ние ќе ги обелоденуваме постојано, како што беше тоа и денеска на собраниска седница, нагласи Трајчулески. Пратеникот Трајчулески рече дека се следи истагата од првите моменти кога не се знаеше кој на кого е подреден дали МВР на ЈО или обратно ЈО на извршата власт.
-Имавме моменти кога од страна на високи функционери на власта, вклучително премиерот, министерот за внатрешни работи, беа покажувани со прст одредени поранешни функционери посочувани како виновници, без при тоа да се води сметка за пресумпција на невиност, нагласи Трајчулески, додавајќи дека има еден куп работи за кои истрагата и ЈО треба да поведе сметка за да остави барем малце доверба кај граѓаните дека има фер и транспарентна истрага. Трајчулески додаде дека апсолутно анкетна комисија ќе биде побарана и на неа ќе бидат презнетирани сите факти и аргументи, до кои ние ќе дојдеме, се со цел да се лоцира комплетна одговорност.
-За да има ефикасна анкетна комисија, надзорна расправа, треба да биде завршена барем истрагата и покренато обвиниение за да може да се стигне до информациите кои се потребни, рече пратеникот на СДСМ Митко Трајчулески, во во емисијата 24 Анализа, на телевизија 24.
