Во вчерашниот поткаст „ВМРО-ДПМНЕ Зборува, пратеничка група“, гостуваше пратеничката Весна Ѓорѓиева, која дискутираше за улогата на Собранието во грижата за пензионерите, за сето она што е направено во позитивна насока од страна на Владата, за предизборното ветување за пензионерите кое вродило со плод, односно за зголемувањето на пензиите, а со тоа и овозможување на подобар и поквалитетен живот на секој поединец чиј животен пат стигнал до трето доба. На почетокот, пратеничката образложи како дошло до реализација на линеарното зголемување на пензиите, на кој начин е донесен законот и каква била улогата на Собранието за зачувување на интересите на пензионерите, притоа потенцираше дека сето тоа е од суштинско значење затоа што влијае на зголемување на куповната моќ на пензионерите, а со тоа и подобро да ги да уживаат пензионерските денови.
„Во овој парламентарен состав, го донесовме можеме да кажеме еден од најзначајните закони кои се однесуваат на пензионерите, односно Законот за линеарно покачување на пензиите. Овој закон беше донесен по скратена постапка, се со цел за побрзо да се овозможи исплата на пензиите, односно зголемување на пензиите за 2500 денари во септември и сега што го добија пензионерите во месец март уште 2500 денари“, вели Ѓорѓиева. Во поткастот таа истакна дека ВМРО-ДПМНЕ е целосно посветена кон подигнување на животниот стандард на пензионерите и креирање на политики за континуирано подобрување на финансиската состојба на сите пензионери а воедно и добивање на вистинска грижа и поддршка и овозможување на достоинствен живот.
„Со ова наша одредба што ја донесовме во парламентот ние како пратеници и јас како пратеничка, се чувствувам доста гордо. Зошто? Затоа што овозможивме на пензионерите подобар животен стандард, подобри услови за живеење. Тоа ни беше како што кажавте и вие, наше предизборно ветување коешто во главата Грижа за пензионерите, од нашата „Платформа 1198“ се вети дека во првата година од владеењето на ВМРО-ДПМНЕ ќе се покачат пензиите од 5000 денари и навистина тоа се случи, уште во првите девет месеци, пензиите се покачија за цели 5000 денари“, рече Ѓорѓиева. Пратеничката Ѓорѓиева истакна дека активно се работи на темата за подобра економија, за повисок животен стандард, повисоки пензии за граѓаните и дека сето тоа ќе доведе кон едно раздвижување на економијата и ќе се рефлектира во иднината на пензионерите.
„Гледајќи ја работата на Владата предводена од претседателот Христијан Мицкоски, како претежно и најмногу работи на зголемување на економијата, сметам дека и те како ќе има добри услови за покачување на пензиите и нашите пензионери треба да бидат сигурни во исплатата на нивните пензии. Посебно ме радува во тој дел дека најниските пензии, оние што се со најмалку примања, добија покачување од 5000 денари. Пензионерите треба да бидат слободни во тој дел, односно слободно да си размислуваат, да си ја користат својата пензија, Владата работи на тоа, гарантира за исплатата на сите пензии, се обезбедени средства, со буџетот се планирани околу 105 милијарди денари средства за пензионерите“, истакна Ѓорѓиева.
Со почит, Центар за комуникации на ВМРО-ДПМНЕ
