Младиот мотоциклист Т.А.(19), кој на 2 април во близина на трговскиот центар „Галерија“ ја усмрти старицата К.Б.(85) немал возачка дозвола и бил под дејство на алкохол, пренесува српски „Телеграф“. По наредба на надлежното обвинителство телото на жртвата е испратено на обдукција.
„По повод сообраќајната незгода што се случи околу 20 часот и 30 минути во Белград, на булеварот Вудро Вилсон, кога беше соборен и загинат пешакот К.Б., ве известуваме дека дежурниот јавен обвинител на Првото основно јавно обвинителство Белград наредил 48-часовен притвор за возачот на мотоциклот. Сторил кривично дело Тешко дело против безбедноста на јавниот сообраќај од чл.297 ст.4 од Кривичниот законик. По распит на осомничениот ќе биде донесено решение за натамошно постапување – стои во соопштението на Првото основно јавно обвинителство – Белград.
