Одлуката е соопштена за време на посетата на израелскиот премиер Бенјамин Нетанјаху, пишува Си-Ен-Ен. Унгарија денеска ќе го започне процесот на повлекување од МКС „во уставната и меѓународната правна рамка“, соопшти шефот на кабинетот на унгарскиот премиер Гергељ Гуљаш. Одлуката е соопштена за време на посетата на израелскиот премиер Бенјамин Нетанјаху, пишува Си-Ен-Ен. Посетата на Нетанјаху на Унгарија е прва на европска територија откако МКС издаде налог за апсење против него во мај 2024 година.
Судот соопшти дека има „разумна основа“ да верува дека Нетанјаху е кривично одговорен за воени злосторства, вклучително и „гладување како метод на војување“ и „злосторства против човештвото“. МКС нема свои овластувања за спроведување на законот, па затоа се потпира на своите земји-членки за апсење и префрлање на осомничените во Хаг. Како потписник, Унгарија е должна да го уапси Нетанјаху. Во спротивно, Унгарија ќе стане единствената земја од Европската унија која нема да биде дел од МКС. Израел не е дел од судот, заедно со САД, Кина, Русија, Саудиска Арабија и други земји.
