Наместо да ја поздрави брзата реакција на МВР, СДС преку децата на Заев шири лаги и невистини. СДС што побргу сфати дека нема веќе како до сега, толку подобро за нив. За разлика од модуларна болница, Дурмо турс, Беса Транс, Старби и многу други случаеви, сега уште во првите 48 часа имаше приведени над 30 лица. Сега таа бројка е зголемена и доколку има потреба, сигурно ќе се зголемува и дополнително.
Срамно е СДС да говори за селективна правда, кога меѓу осомничените има луѓе кои се членови и на СДС, и на ВМРО-ДПМНЕ, и на ДУИ. Кога е време за правда и одговорност, нема тука мешање на етничка или партиска припадност. Брзата реакција и ангажманот на МВР, само потврдува за тоа дека Владата е насочена кон намалување на криминалот и корупцијата во државата. Сега работата продолжува во рацете на обвинителството, кое е одбрано и изгласано токму од СДС и ДУИ. Да ги потсетиме СДС, дека за разлика од порано кога пајаците и каблите беа криви, сега веќе има правда и одговорност.
