Во пресрет на големиот христијански празник Велигден, вечерва во Занаетчиски дом, се одржа традиционалниот концерт на женскиот камерен хор Св. Злата Мегленска. Публиката имаше можност да проследи хорска интерпретација на духовно – црковни нумери. Музичкиот настан е дел од Програмата за културни манифестации на Општина Куманово за 2025 година, реализиран со поддршка на Фондацијата за култура и спорт – Куманово. На празничниот настан присуствуваа претставници од општинската администрација.
