Реално е дека табла јајца во маркетите чини поевтино за четириесетина денари од актуелните цени на пазарите. Судејќи според понудата, излезе дека не се остварија навестувањата дека годинава ќе има недостиг од јајца, а нивната цена е дури поевтина од минатогодишната
Вистинските домаќинки веќе ги вапсаа првите велигденски јајца, но голем дел од граѓаните сè уште се „борат“ за барем една табла. На два дена пред најголемиот христијански празник, јајцата се сè уште најбараниот производ, како на пазарите, така и во маркетите. Трговците велат дека годинава продажбата почнала уште пред десетина дена, а најчесто се купуваат по две, па дури и по три табли за да има фазла ако се распукаат во допир со боите.
