Соединетите Американски Држави значително зависат од увозот од Кина, при што повеќе од една третина од вкупниот увоз доаѓа од Кина, со 198 различни производи, додека Кина увезува само 68 артикли од САД, пренесе РИА Новости, повикувајќи се на податоци на Националната статистичка служба. Според информациите на руската агенција, увозот од Кина сочинува повеќе од една третина од вкупниот увоз на САД, додека Кина увезува само 68 производи од Америка.
Таа нерамнотежа стана уште поизразена откако американскиот претседател Доналд Трамп на 2 април потпиша извршна наредба со која се воведуваат „реципрочни“ тарифи за увоз од други земји, вклучително и Кина, која беше погодена со една од највисоките царини во историјата – царина од 54 отсто, наведува руската агенција.
