„Нерви искинати, срушена надеж, безглави ѕверози на работ на разумот, во мачни сништа и сеништа, гневот е во секого…“ – се дел од зборовите со кои почна протестот на културните работници. Според работниците, секоја година трае истото лудило и секоја година во март и април остануваат без плати. Упатија порака до министерот Зоран Љутков преку транспарент со зборовите „Извини Зоки, морално (ли) беше!“.
На денешната отворена протестна седница на Синдикатот на културата беше побарано да се почитуваат законите и Колективниот договор. На протестот беше истакнато дека ова не е техничко прашање туку удар врз достоинството на секој вработен во културата. Протестот се одржа пред зградата на Министерството за култура во центарот на Скопје.
