Половина од пратениците во хрватскиот парламент, Саборот, се кандидирале на овогодинешните локални избори за позициите градоначалник и заменик-градоначалник, или за нов мандат или за преземање на власта, како и за позицијата жупан, а тројца градоначалници веќе знаат дека победиле бидејќи немаат противкандидати, пишува „Индекс“.
Без да се сметаат кандидатурите за градски, општински и окружни совети, дури 71 од 150 пратеници е кандидат за некои од водечките позиции во локалната самоуправа. Во Хрватска е дозволено актуелни градоначалници во исто време да бидат и членови на државниот парламент, а такви во земјата има 29 и тие ќе се тркаат за нови мандати во општините. Кога еден градоначалник ќе биде избран за пратеник или обратно, тој е должен во рок од осум дена да се откаже од едната функција. Но, законските прописи дозволуваат извесна „сива зона“, па доколку градоначалникот објави дека пратеничката функција не ја извршува професионално, односно за неа не добива плата и други поволности, тој може и да остане градоначалник (за што ќе прима плата) и да биде член на Саборот.
Од Клубот на владејачката ХДЗ, такви се актуелните градоначалници на Велика Горица, Крешимир Ачкар, Крапина Зоран Грегуровиќ, Карловац Дамир Мандиќ, Осиек Иван Радиќ, Дубровник Мато Франковиќ, Новаља Иван Дабо, Ѓаково Марин Мандариќ, Триљ Иван Бугарин, Запрелиќ. Прелог Љубомир Коларек, Петриња Магдалена Комес, Метковиќ Далибор Милан и градоначалниците на општините Лобор Љубица Џембрих, Калиновац Дарко Собота и Горњи Кнегинец Горан Канишки. Од Клубот на опозициската СДП, градоначалниците на Сисак Кристина Икиќ Баничек, Копривница Мишел Јакшиќ, Супетар Ивана Марковиќ, Огулин Далибор Домитровиќ, Златар Јасенка Аугуштан Пентек и градоначалниците на Коњшчина Антина Ќуришиќ, Мишел Милишинков, Омишалиќ, Ахмела Милиќкова се кандидираат за нови мандати, пишува „Индекс“.
