Денеска во полуфиналето во двојки на турнирот во Тополи, Грузија, во женска конкуренција пораз претрпеа македонската тенисерка Лина Ѓорческа и домашната натпреварувачка Екатерине Горгодзе. Ѓорческа и Горгодзе загубија со 2:0 во сетови против Рутуја Бхосале (Индија) и Пејџ Хуриган (Нов Зеланд). Првиот сет доби поголеми возбудувања кој беше решен во тај-брејк кој го освоија Бхосале и Хуриган со 8:6. Во вториот сет иако Ѓорческа и Горгодзе водеа со 2:1 и 3:2 во гемови, нивните противнички направија пресврт и го добија мечот после еден час и 42 минути игра. Пред два дена во Тополи во поединечна конкуренција Ѓорческа загуби во второто коло.
