Украинскиот претседател Володимир Зеленски изјави дека Киев е подготвен да преговара со Русија за прекин на огнот, но под еден услов. „Тоа е позитивен знак дека Русите конечно почнале да размислуваат за завршување на војната“, рече Зеленски. Зеленски додаде дека целиот свет го чека ова многу долго. „И првиот чекор во вистинскиот крај на секоја војна е прекин на огнот. Нема смисла да се продолжи со убивање ниту еден ден. Очекуваме Русија да потврди прекин на огнот – целосен, постојан и сигурен – почнувајќи од утре, 12 мај, а Украина е подготвена за состанокот“, додаде Зеленски.
It is a positive sign that the Russians have finally begun to consider ending the war. The entire world has been waiting for this for a very long time. And the very first step in truly ending any war is a ceasefire.
There is no point in continuing the killing even for a single…
— Volodymyr Zelenskyy / Володимир Зеленський (@ZelenskyyUa) May 11, 2025
Да потсетиме, рускиот претседател Владимир Путин предложи Русија и Украина да имаат директни преговори, без предуслови, на 15 мај во Истанбул. „Предлагаме властите во Киев да ги продолжат преговорите што ги прекинаа на крајот на 2022 година, да продолжат со директни преговори, без никакви предуслови. Предлагаме тие да започнат без одлагање следниот четврток, на 15 мај, во Истанбул, каде што претходно се одржуваа и каде што беа прекинати“, рече Путин во обраќањето до медиумите.
