– Бомба експлодираше во Клиника за репродуктивно здравје во Палм Спрингс, Калифорнија, при што загина едно лице, изјави градоначалникот Рон ДеХарт, пренесоа британските медиуми. Еј-Би-Си Њуз, повикувајќи се на полициски извори и од самата клиника, објави дека најмалку пет лица се повредени во експлозијата. Градските власти на Палм Спрингс на Фејсбук објавија дека експлозијата се случила пред 11 часот наутро по локално време.
„Идентификувана е бомба што се наоѓала во автомобил или во негова близина“, рече ДеХарт. ФБИ на Лос Анџелес објави на социјалните мрежи дека ја истражува експлозијата, а експерти за експлозиви се распоредени на местото на настанот.
Asst Director Davis confirmed the FBI is investigating the Palm Springs explosion as an act of #terrorism being investigated by the #JTTF. There is no known threat to public safety at this time. Call 1800 CALLFBI or visit https://t.co/a8bqmmwqXT with info. Check here for updates. pic.twitter.com/xU8G2IWRys
— FBI Los Angeles (@FBILosAngeles) May 18, 2025
Палм Спрингс се наоѓа околу 100 милји источно од Лос Анџелес. Гувернерот на Калифорнија, Гевин Њусом, е известен за експлозијата, соопшти неговата канцеларија. Американските медиуми јавија дека клиниката за плодност на Американскиот репродуктивен центар е оштетена, но дека персоналот е безбеден.
