Македонија ноќеска остана без струја. Во делови од земјата струја дојде утрово околу 6 часот. Без струја беше и Скопје. Во ЕВН контакт центарот утрово ни рекоа дека станува збор за голем дефект, но детали не ни дадоа. Два часа подоцна, АД МЕПСО излегоа со соопштение:
„Во раните утрински часови дојде до дефект и краткотраен испад на 110 киловолтната преносна мрежа. Причина за овој прекин се високите напони на 400 киловолтната мрежа во целиот регион, што го афектираше нашиот систем и го предизвика краткотрајниот испад на енергетските трансформатори 400 /110 киловолти во трансформаторски станици“
Станува збор за регионален и европски проблем со кои се соочуваат речиси сите преносни систем оператори поради нискиот транзит и конзум на електрична енергија во текот на ноќните часови и викендите во овој период од годината. Од настанување на испадот, екипите на АД МЕПСО експресно реагираа и за околу еден час по прекинот, нормализирано е напојувањето со електрична енергија во државата, велат од АД МЕПСО, тврдејќи дека нивните екипи продолжуваат да работат на целосно нормализирање на стабилноста на електроенергетскиот систем.
View this post on Instagram
