Во воен камп во главниот град на Сомалија, Могадишу загинаа 13 луѓе, а 21 се повредени по напад на бомбаш самоубиец. Никој сè уште не ја презел одговорноста, но Могадишу претходно беше цел на напади од исламистичката екстремистичка група Ал Шабаб, поврзана со Ал Каеда.
Групата често напаѓа воени и владини згради како дел од своите напори да наметне свое строго толкување на исламскиот закон. Војник, кој бил дел од стражарската единица на кампот, изјавил дека многу млади регрути трпеливо чекаат во ред. „Експлозијата беше силна. Видов многу жртви. Напаѓачот се преправил како регрут пред да се разнесе“, рече тој.
