Иако нејзиниот потфат првично предизвика чудење кај пријателите во САД, некогаш заборавениот Мусомели сега привлекува внимание низ целиот свет. Кога Рубија Даниелс првпат им кажа на своите пријатели дека купува шест куќи во Италија за по едно евро, тие помислија дека се шегува. Но, во 2019 година, оваа 51-годишна консултантка за урбанистичко планирање, која живее во Сан Франциско од 1996 година, всушност го направи тоа – таа купи шест дотраени куќи во Мусомели, стар град на рид во Сицилија, преку локална иницијатива насочена кон оживување на напуштени имоти, објави „NYP“.
Секако, постоел „трик“ со овие куќи: тие биле во различни фази на распаѓање – некои без покриви, без основна инфраструктура.
View this post on Instagram
– Спакував шест куфери со алатки и генератор – се присети Даниелс. Таа отпатувала во Италија со својот сопруг и братучед за да ги преземе куќите, откако потрошила вкупно околу 22.500 евра за административни и агенциски трошоци. И покрај лошата состојба, Даниелс, која работи како консултант за просторно планирање повеќе од 16 години, била целосно опуштена. – Природно е за мене да преобликувам простори и да уривам ѕидови. На пример, мојот сопруг паничи кога ме гледа како мерам проекти како овој, но за мене тоа е само комбинација од возбуда и радост – рече таа.
Првата куќа, која беше целосно срушена, сега е целосно реновирана. – Куќата има прекрасна мермерна спална соба – рече таа. Реновирањето ја чинеше околу 56.500 евра, а таа се надева дека нема да мора да прави ништо во следните 50 години.
View this post on Instagram
Не станува збор само за цените, туку и за начинот на живот Нејзината визија не запира само на едносемејни куќи – една од шесте куќи ќе биде претворена во центар за јога и медитација. – Би било убаво да се врати нешто на заедницата на овој начин – рече таа. Таа користела локални занаетчии за декорација – од мијалникот до подовите, сè било купено во Мусомели. – Сакавме сè да направиме во заедницата и со заедницата каде што ги купивме имотите. Обожаваме да бидеме тука, многу е поубаво отколку во Калифорнија – објасни таа. Она што ја привлече кај Мусомели не беа само ниските цени, туку и самиот начин на живот. – Никој не брза, сè е прифатливо. Кафе и кроасан чинат 1,50 евра. Во Калифорнија, сè е површно и стресно – рече таа.
View this post on Instagram
Сега нејзините две тетки, на возраст од 70 и 82 години, планираат трајно да се преселат во овој сицилијански град на рид. Иако нејзиниот потфат првично предизвика чудење кај пријателите во САД, некогаш заборавениот Мусомели сега привлекува внимание низ целиот свет. – Во моментов најмалку 30 луѓе размислуваат да купат куќа – рече таа, објаснувајќи колку популарна станала иницијативата. За Рубија, причината зошто дошла таму била јасна уште од самиот почеток. – Куќата ја добивате практично бесплатно, а можете да ја претворите во што сакате – вели таа.
