Државата минатата година одобрила над 235 милиони евра како државна помош, или околу 1,52 отсто од БДП, покажа Извештајот за работата на Комисијата за заштита на конкуренцијата за 2024 година, кој е доставен до Собранието Државата минатата година одобрила над 235 милиони евра како државна помош, или околу 1,52 отсто од БДП, покажа Извештајот за работата на Комисијата за заштита на конкуренцијата за 2024 година, кој е доставен до Собранието. Инаку, лани, Комисијата донела 17 решениja се однесуваат за контрола на државна помош.
-Овие пари се слеале за заштита на животната средина, развојот на претприемништвото и конкурентноста на мали и средни претпријатија, а се поддржала и преработувачка индустрија, туризмот, вработувањето, регионалната политика, но и проекти од значаен економски интерес за државата, како на пример гасификација, употреба на обновливи извори на енергија и природен гас. Државна помош добиле и националните спортски федерации, спортски клубови, активни спортисти од олимписки и неолимписки спортови и други правни субјекти кои имаат решение за вршење на дејност спорт како и планирано доделување на државна помош врз основа на Законот за финансиска поддршка на инвестициите – детализира Извештајот. Анализата на членовите на КЗК открива дека лани државната помош во голема мера се доделувала за поддршка на проекти кои имале директно влијание врз развојот на економијата во државата и енергетската дејност.
-Од друга страна, преку развојните програми државата учествуваше преку механизмот на државна помош во поддршката и развојот на туризмот, каде како даватели се сретнуваат Министерството за економија и Агенцијата за промоција и поддршка на туризмот. Исто така, државата преку доделување на државна помош помагала и во дел од мерките од Оперативниот план за активните програми и мерки за вработување за 2024 година, каде што како давател се јавува Министерството за труд и социјална политика. Министерството за економија преку Програмата за развој на претприемништвото и конкурентноста на мали и средни претпријатија за 2024 година се јавува како давател на државната помош за поддршка на микро, мали и средни претпријатија. Воедно, државата преку субвенции како државна помош, учествуваше во финансирање на националните спортски федерации, спортски клубови, активни спортисти од олимписки и неолимписки спортови и други правни субјекти кои имаат решение за вршење на дејност спорт, каде како давател се јавува Агенцијата за млади и спорт – прецизираат од КЗК. Од оваа Комисија додаваат и дека во 2024 година продолжило и планираното доделување на регионална државна помош, која била во согласност со целите на регионална политика на Република Македонија и со која се поддржуваат продуктивни почетни инвестиции или отворање на работни места, поврзани со инвестициите.
Што се донесува до Законот за забрана за нефер практики од КЗК само потсетуваат дека тој бил донесе на 13 март 2024 година и дека ти се надлежни за неговото спроведување.
-Комисијата имаше рок од 6 месеци од денот на влегување во сила на Законот, да го усогласи своето работење, организирање и функционирање согласно одредбите од Законот. Поради тоа, во Комисијата се формираше нов сектор за нефер трговски практики. Ова е нов Закон кој до сега не постоел и за чија примена не постои пракса, па токму затоа и се јавуваат голем број на прашања од страна на претпријатијата кои се засегнати од Законот. Во таа насока, Комисијата во периодот од донесувањето на Законот до крајот на 2024 година остваруваше состаноци со претставници на добавувачи и купувачи на земјоделски и прехрамбени производи со цел да се појаснат одредени одредби од истиот – објаснуваат од КЗК.
