Им служиме само на активистите на Алијансата и работиме на зајакнување на куќата што ја изградивме заедно. Со оие зборови со огласи Вицепремиерот за добро владеење, Арбен Фетаи, кој поттикнат од објавите дека им служи на другите на членови во новоформираната партија „Вреди“, реагираше со посебна порака.
– Се обидуваат да ве измамат: „Арбен Фетаи му служи на Изет“, „тој работи за Билал“… Вистината е една и едноставна: ние им служиме само на активистите на Алијансата и работиме само на зајакнување на куќата што ја изградивме заедно, со убедување и жртва, заедно со Изет, Билал, Зека и Беким. Нашата црвена линија е ДУИ, организација која мора да одговара за својата корупција и антинационални политики. На ДУИ ѝ се потребни внатрешни реформи, а тоа може да се случи само ако се задржат во опозиција.
Кампањата за демонизирање на лидерите на VLEN е мисија и очаен обид за рехабилитација на ДУИ. Оние што ја водат оваа игра се предадоа на ДУИ и беа предадени од нејзиниот лидер. Ние не сме продадени. Ние не сме поклонети. Ние не сме корумпирани. Не сме биле компромитирани, ниту морално ниту материјално. Ние сме таму каде што отсекогаш сме биле, одлучни, непоколебливи и со чиста совест како солза. Одиме напред, горди и своеглави, без да се свртуваме назад. Затоа што веруваме во нашиот вистински пат и во мисијата за која се здруживме – напиша Фетаи на социјалните мрежи.
