Цените на земјоделските производи во Европската Унија во првиот квартал од оваа година се зголемија за 2,6 проценти, што е втор последователен квартал во кој е забележано зголемување на цените, објави денес Евростат.Според извештаите, цените на стоките и услугите што се користат во земјоделството, а не се поврзани со инвестиции – како што се енергијата, ѓубривата или храната за животни – се зголемија за 0,2 проценти, што е првото забележано зголемување на просечната цена на земјоделските инпути од првиот квартал од 2023 година.
Меѓу клучните земјоделски производи, имаше ненадејно зголемување на цените на млекото за 12,6 проценти, јајцата за 10,7 проценти и житарките за 9,6 проценти.
Исто така, имаше ненадеен пад на цените на маслиновото масло за 43,5 проценти, цените на компирите се намалија за 13,4 проценти, додека цените на свињите се намалија за 11,2 проценти.
Од 23-те земји на Европската Унија, најострите стапки на раст на цените се забележани во Ирска за 19,3 проценти, Луксембург за 15,6 проценти и Унгарија каде што растот е 14,6 проценти.
Пад на цените е забележан во Шпанија за 9,7 проценти, во Грција за 7,1 процент, во Португалија за 2,8 проценти и во Малта за два проценти.
Во однос на неинвестициските инпути, 14 земји забележале зголемување на цените во првиот квартал од 2025 година, во споредба со првиот квартал од минатата година.
Најострите стапки на раст се забележани во Унгарија за 6,8 проценти, Холандија за 6,2 проценти и Романија за 5,8 проценти.
Спротивно на тоа, Литванија, Латвија и Кипар забележаа најбрзи стапки на пад на цените.Во Литванија за пет проценти, на Кипар за 3,8 проценти и во Латвија за 3,6 проценти.
