Четири затвореници загинаа, а тројца чувари претрпеа вдишување чад во понеделникот во пожар во затвор во Уругвај, предизвикан при тепачка меѓу затвореници, соопшти владата на оваа латиноамериканската земја. Пожарот избувнал во ќелија во затворот Сантијаго Васкез, во предградието на главниот град Монтевидео, откако избувнала тепачка. Затворот има најголема популација на затвореници во земјата.
Пожарот резултираше со „смрт на четири лица кои беа лишени од слобода“, соопшти Министерството за внатрешни работи. Инцидентот беше предизвикан од „судир меѓу групи затвореници во соседните ќелии“, се додава во соопштението, уверувајќи дека ситуацијата е ставена „под контрола“. Лицата што загинаа биле на возраст меѓу 23 и 47 години. Тројца затворски чувари се лекувани од труење со јаглерод моноксид. Министерот за внатрешни работи, Карлос Негро, го обвини неодамнешниот пораст на насилни инциденти во уругвајските затвори за „растечката“ пренатрупаност.
„Мерките што треба да се преземат се структурни“, изјави тој на прес-конференција, додавајќи дека ќе биде потребен политички договор и евентуално финансирање од меѓународни организации.
Во септември, шест затвореници починаа во истиот затвор, во пожар што избувна во услови слични на вчерашните. На крајот од 2024 година, Уругвај имаше над 16.000 затвореници во своите затвори, според податоците од Министерството за внатрешни работи. Ова значи дека земјата со 3,4 милиони луѓе е меѓу 15-те земји со најголема затворска популација по глава на жител во светот, според извештајот „World Prison Brief“.
