Во своите први забелешки во петокот, кога одржа говор емитуван на државните медиуми откако Израел почна да бомбардира Иран, Хамнеи рече дека ниту мир ниту војна не можат да ѝ бидат наметнати на Исламската Република.
Тој нагласи дека Израел направил огромна грешка и ќе биде казнет за тоа, објави новинската агенција Мехр.„Луѓето никогаш нема да ја заборават крвта на „мачениците“ и нападите на нивната територија“, рече Хамнеи.
Одговарајќи на повикот на Трамп за безусловно предавање на Иран, Хамнеи им рече на САД дека Иран нема да се предаде и дека секој американски напад ќе има сериозни последици.„Тие треба да знаат дека Иран нема да се предаде и дека секој американски напад ќе има сериозни непоправливи последици. Интелигентните луѓе кои ја познаваат иранската историја знаат дека Иранците не реагираат добро на јазикот на заканите. Иран нема да прифати наметнат мир или војна“, рече Хамнеи.
Илјадници луѓе избегаа од Техеран во среда откако израелските воени авиони го бомбардираа градот преку ноќ. Еден извор рече дека Трамп разгледува опции што вклучуваат приклучување кон Израел во нападот на нуклеарните објекти на Иран.Израелската војска соопшти дека 50 израелски авиони нападнале околу 20 цели во Техеран преку ноќ, вклучувајќи локации што произведуваат суровини, компоненти и системи за производство на ракети.Извор запознаен со внатрешните дискусии рече дека Трамп и неговиот тим разгледуваат низа опции, вклучително и приклучување кон Израел во нападот на нуклеарните објекти на Иран.
