На патот Прилеп-Крушево, кај место викано „Стопанство“, вчера во 10.00 часот полициски службеници од ОВР Крушево го уапсиле С.А.(20) од Скопје. МВР денеска соопшти дека при сообраќајна контрола и преземени мерки, полициските службеници констатирале дека С.А. управувал товарно возило „дачиа” со скопски регистарски ознаки со брзина од 121 километри на час на место каде што максималната дозволена брзина е 50 километри на час. Лицето било приведено во полициска сртаница и по целосно документирање на случајот против него ќе биде поднесена пријава по член 297-а од Кривичниот законик „безобѕирно управување со моторно возило“.
