На видеото се гледа како еден маж влече друг за да спречи тепачка. Келнер од блиското кафуле изјавил дека Шија ноќта пред инцидентот бил во друг бар и пиел, пишува Дејли Меил. Во улицата Каугејт во Единбург се случи инцидент во кој беше вмешан американскиот актер Шија Лабеф, а видеото сега се шири на социјалните мрежи. Актерот извикал „Тука сум, ебете се“ додека ги кренал тупаниците и се движел кон група мажи, а случајните минувачи се обидувале да спречат физичка пресметка. На видеото се гледа како еден маж влече друг за да спречи тепачка. Келнер од блиското кафуле изјавил дека Шија ноќта пред инцидентот бил во друг бар и пиел, пишува Дејли Меил.
– Беше многу фин со луѓето. Сите го пофалија. Се вели дека инцидентот на видеото се случил следниот ден. Знаев дека нешто се случило, но нешто секогаш се случува во Каугејт – рекол келнерот.
Шија Лабеф бил во градот бидејќи неговата сопруга Миа Гот таму го снима новиот филм за Франкенштајн. Шија е познат по неговата улога во „Transformers“ и се појави во спотот на пејачката Сиа за песната „Elastic Heart“. Во тоа видео, Лабоф и младата танчерка Меди Зиглер танцуваат во кафез, што предизвика големо медиумско внимание бидејќи Меди во тоа време имаше 13 години.
