Здравствената групација „Аџибадем“, водечка институција за лекување рак во Турција, нуди сеопфатен и индивидуализиран опсег на опции за лекување и за возрасни пациенти и за деца, дијагностицирани со сите видови и стадиуми на рак во последните 25 години. Нивната цел е да го искорениме туморот а во исто време да ги заштитиме здравите ткива, и со тоа да им овозможиме на пациентите да водат здрав живот. Во „Аџибадем“, хирурзите, радиолошките онколози и медицинските онколози тесно соработуваат за да обезбедат сеопфатна грижа и да ги постигнат најдобрите можни резултати за пациентите. Со здружување на координираната нега за ракот под еден покрив, „Аџибадем“ го трансформира начинот на кој пациентите пристапуваат до нивните лекари и сите здравствени услуги, што резултира со уникатно искуство за пациентите.
Што се третира во „Аџибадем“?
„Аџибадем“ се залага да обезбеди секој пациент со рак да има пристап до најдобрата можна нега. Таму комбинираат експертиза, сочувствителна грижа и напредни технологии за да ги применат најбезбедните и најефективните третмани за многу видови рак, вклучувајќи:
– Рак на уролошки органи (простата, бубрези, мочен меур и тестиси)
– Рак на гинеколошки органи (цервикален, на јајник, ендометријален)
– Рак на гастроинтестиналниот тракт (езофагеален, на желудник, колоректален, на панкреас, на црн дроб)
– Рак на дојка
– Тумори на мозокот и ‘рбетниот мозок
– Рак на главата и вратот
– Рак на коските
– Рак на градниот кош
– Лимфом
– Меланом
– Рак во детството
Третмани што ги нудат
Одделот за онкологија на „Аџибадем“ е примарна дестинација за решавање и лекување рак и обезбедува услуги за цел спектар на карциноми. Современите техники се користат во индивидуализиран пристап, ориентиран кон пациентот. Во „Аџибадем“, секој пациент кој боледува од рак добива индивидуализиран план на лекување приспособен кон поединечните потреби. Лекувањето може да опфати каква било комбинација на различни опции.
Хируршкото отстранување на туморот често е најефективниот пристап за елиминирање на многу видови рак. Затоа операцијата често се издвојува како примарен третман за многу видови рак, нудејќи најдобри шанси за излекување доколку туморот може целосно да се отстрани од телото. Успехот на ресекцијата на туморот значително влијае на веројатноста за излекување и стапката на преживување на пациентот; тоа ја зголемува и ефективноста на последователните третмани.
Во „Аџибадем“, операцијата на рак првенствено се изведува со помош на минимално инвазивни пристапи, користејќи специфични хируршки инструменти наместо традиционална хирургија на отворено. Дополнително, хирурзите од „Аџибадем“ имаат долгогодишно искуство во роботска хирургија, напредна форма на лапароскопска хирургија. Роботската хирургија им овозможува на хирурзите да изведуваат операции користејќи алатки прикачени на роботски раце. Не само што минимално инвазивната хирургија овозможува подобри резултати, туку и го олеснува побрзото закрепнување и го намалува ризикот од компликации.
Системска терапија
Во „Аџибадем“, сите системски терапии може да се користат за лекување на ракот.
– Лековите за хемотерапија циркулираат низ крвотокот за да ги уништат канцерогените клетки низ телото. Оттука, хемотерапијата се користи за лекување рак речиси насекаде во телото.
– Имунотерапијата има за цел да го зајакне имунолошкиот одговор со лекови, овозможувајќи му на имунолошкиот систем поефикасно да ги разликува, таргетира и уништува канцерогените клетки.
– Насочена терапија претставува лекување на рак кое ги таргетира генетските промени или мутации кои ги претвораат здравите клетки во канцерогени клетки. За разлика од традиционалните третмани, насочените лекови се наменети да нападнат специфични абнормалности во клетките на ракот.
– Хормонска терапија се користи за лекување одредени видови рак кои се потпираат на хормоните за раст, како што се ракот на простата и ракот на дојката.
Радиотерапија
Напредокот во техниките на зрачење направи револуција во лекувањето на ракот, а радиотерапијата се јавува како една од најперспективните опции. Денес, радиотерапијата се препознава како корисна опција на лекување за многу видови рак. Во изминатите 25 години, „Аџибадем“ беше во првите редови на користење најнапредни технологии за радиотерапија за да обезбеди ефективен третман на рак. Во суштина, онкологијата со зрачење користи зрачење за да ги елиминира клетките на туморот. Преку прецизно испорачани зраци на зрачење, можно е да се искорени или намали ракот без потреба од хируршка интервенција. Радиотерапијата може да се примени како примарно лекување или да се користи по операција за да се минимизира ризикот од повторување. „Аџибадем“ е светски лидер во здравствените услуги и долго време е зрак на надеж во Турција за пациентите со рак од цел свет кои бараат подобри опции на лекување.
Успешна приказна на пациент – надежно патување до „Аџибадем“ Турција
Илустрирањето на резултатите од третманите за рак преку примена на сите опции на лекување може да биде пореално за пациентите и нивните роднини преку нивните приказни. 57-годишна пациентка од Босна се јавила во болницата „Аџибадем“ со дијагноза рак на дојка. Таа посетила различни клиники и се консултирала со различни лекари во нејзината земја, за да сфати дека треба да добие сеопфатен третман. Некаде тоа време, една од нејзините пријателки ѝ ја предложила болницата „Аџибадем“ во Истанбул, каде што нејзиниот сопруг претходно се лекувал за рак на мочниот меур.
Таа ја контактирала Информативната канцеларија на „Аџибадем“ во Сараево во петокот, а следниот понеделник полетала од Сараево за Истанбул на консултација со лекарите во болницата „Аџибадем“. Имала средба со хирург за дојки, кој го објаснил планот на лекување што опфаќа хемотерапија за првично намалување на туморот, проследено со безбедна и ефективна ресекција на туморот и, на крај радиотерапија за да се осигура уништување на сите канцерогени клетки, подобрување на исходот и намалување на ризикот од повторување. Таа, исто така, се видела со радиолог за дојки и медицински онколог и добила детални информации за болеста и чекорите на лекување.
Лекувањето започнало со режими на хемотерапија, по што следело хируршко отстранување на туморот. Пациентката била подложена на не толку обемна операција наречена процедура за зачувување на градите, што опфаќала отстранување на туморот со безбедна маргина на околните здрави клетки наместо целата дојка, притоа зачувувајќи ја природната форма и изглед на дојката во најголема можна мера. По операцијата, таа примила еден циклус радиотерапија додека резот сè уште не била затворен, техника позната како Интраоперативна радиотерапија (IORT). Истовремено, хирургот за пластика извел процедура за реконструкција на дојката и одново ја креирал формата на дојката. Денес, пациентката нема рак повеќе од 3 години.
– Експертскиот тим на „Аџибадем“, специјализиран за персонализирана и сеопфатна нега, е посветен да ви помогне пред, за време на и по третманот. Можете да бидете сигурни дека Меѓународниот центар за пациенти „Аџибадем“ детално ќе го испланира секој чекор од вашето патување. Ве охрабруваме да ни се јавите или да не контактирате преку е-пошта доколку имате какви било прашања или проблеми во секое време – велат од „Аџибадем“.
