Италијанскиот амбасадор во земјава Андреа Силвестри кажа дека Италија отсекогаш го признавала македонскиот јазик. Тој во говорот на приемот по повод Денот на Републиката Италија кажа дека не постои друга иднина за Македонија и земјите од Западен Балкан која не е во Европската унија. „Јазичниот диверзитет е препознатлив знак на Европската унија, а македонскиот јазик кој Италија отсекогаш го признавала и поддржувала ќе биде посилен во Унијата. Целосна европска интеграција на Северна Македонија во ЕУ за нас е стратешка цел“, кажа Силвестри.
