Министерот за земјоделство, шумарство и водостопанство, Љупчо Николовски, заедно со директорот на Агенцијата за финасиска поддршка во земјоделството и руралниот развој, Никица Бачовски и државниот советник во министерството, Трајан Димковски, денес во Кавадарци остварија средба со земјоделците од Тиквешкиот регион пред кои го презентираа новиот предлог модел за субвенционирање во земјоделството.
Преку Агро Советот и подескторските групи на министерството новиот предлог модел за субвенционирање беше криеран заедно со земјоделците.
„Предлог новиот модел за субвенционирање дава решение за сите досегашни проблеми кои ги имаше досегашниот систем за субвенционирање. Новиот модел ќе биде побрз и поефикасен, а поддршката е насочена кон вистинскиот земјоделец, чија основна дејност е земјоделството. Не кратиме ништо од досегашната поддршка која ја добиваа земјоделсците, туку напротив неа ја зголемуваме и реорганизираме во повеќе програми кој ќе дадат поголема ефикасност. Стариот систем за субвенционирање каде земјоделците добиваа субвенции без да прикажат доказ дека оствариле производство го заменуваме со нов decoupling систем каде земјоделците ќе мора да докажат дека имаат остварено и предадено производство”, истакна на средбата министерот Николовски.
Новиот предлог модел ги става сите чинители во еден организиран систем и ја намалува можноста за плаќање во готово спречувајќи ја сивата економија. Систем кој има зголемен обем на контроли и систем кој гарантира поголемо производство на домашна храна.
„ Сите земјоделци би добивале основна субвенција која авасно би се исплаќања во висина од 30% од сумата, а ќе биде наменета за одржување на земјиштето во обработлива состојба и 70% дополнителни субвенции кои се врзани со принос, но и предавање во регистрирани капацитети. Тоа значи дека земјоделците кои произведуваат стратешки значајни култури и производи, користат сертифицирано семе и своето производство ќе го предадат во регистрирани домашни капацитети или производството ќе го искористат за сопствени потреби создавајќи финален производ, ќе имаат можност да ги добијат овие дополнителни субвецнии за остварен принос”, истакна на средбата Трајан Димковски, државен советник во министерството.
Развојот и модернизацијата на македонското земјоделство е важна цел на која министерството и АФПЗРР заеднички работат изминатиов период.
„Креираме нова мерка за поддршка на земјоделците, односно бизнис план во земјоделството. Мерка која ќе биде отворена цела година преку Програмата за рурален развој и која на земјоделците им дава можност сами да одлучат во што ќе инвестираат. Тогаш кога се тие поготвени, да направат бизнис план и да аплицираат, инвестирајќи во нова опрема или механизација. Поракај програмата за Рурален развој на располагање ја ставаме и новата ИПАРД 3 програма, каде на располагање имаме 210 милиони евра средства наменети за инвестиции во наредните 7 години. Она што е ново кај оваа програма е што обезбедуваме можност и за авансна исплата на 50% од поддршката, а се олеснува и прагот за минимум прифатливите трошоци по проект за мерките 1, 3 и 7 од ИПАРД 3 прогамата”, истакна на средбата директорот на АФПЗРР Никица Бачовски.
Оваа година преку заеднички дијалог меѓу лозарите и откупувачите постигнавме добра и рекордна откупна цена на грозјето, а поддршка во извозот на македонското вино преку Интервентната програма беше обезбедена и за винариите. Со новиот предлог модел за субвенционирање на лозарите покрај основите субвенции, како дополнителна субвенција се утврдува поддршката за винското и трпезно грозје.
Успешниот развој на малите семејни винарии беше мотив за креирање на развојна програма за поддршка на малите семејни винарии, со цел нивен понатамошен раст и развој, обезбедувајќи грантза поддршка од 10.000 евра, за набавка на опрема за производство и пакување на виното.
Како министерство многупати сме покажале и докажале дека работиме за земјоделците, без селекција или партиски поделби, секоја идеја и сугестија за развој на овој концепт е добредојдена. Плански вложуваме во развој на македонското земјоделство, со крајна цел стабилно и зголемено домашно производство на значајни култури и производи, а преку тоа помала увозна зависност на државата од стратешки култури.
