Повеќе од 1.000 вработени во кафулињата „Старбакс“ ширум Соединетите Американски Држави стапија во штрајк поради промена на кодексот на облекување на работното место, соопшти денеска Синдикатот на работниците „Старбакс“. Почнувајќи од понеделник, „Старбакс“ воведе нови правила за тоа што вработените можат да носат под нивните зелени престилки, кои вклучуваат цврста црна кошула и каки, црни или сини тексас панталони. Според претходниот кодекс на облекување, келнерите можеа да носат поширок спектар на темни бои и кошули со дезен, пренесува АП.
